Wat doun wie?

De NNRD is van oorsprong bekend oet de òfvalsector. Toch het noast de òfvalienzoameln de transportpoot van t bedrief hom oardeg waiten te ontwikkeln. t Matrioal en de mitwaarkers binnen haildaal ienspeuld op dizze ruierge branche. Veur t transporteren van allerlaai soorten vrachten, het NNRD de meugelkheden. Nationoal en internationoal kinnen specioale transporten ploatsvienden dij deur vakkundege chauffeurs noar heur ìndbestemmen brocht worden.

Woar produceerd wordt, ontstaait òfval. Klaain òfval, groot òfval, chemisch òfval, òfval van baauwterraainen, toenòfval, pepieròfval, enz, enz. Elke òfvalsoort vragt n andere benoadernswieze. Wat veur soort container paast t beste bie n bepoalde òfvalstroom? Hou voak is t leegmoaken van n container wìnselk? Mout t òfval ien dichte containers? Aapmoal vroagen dij belangriek binnen veur n optimoale opslag en verwaarken van bedriefsòfval.

De NNRD wait wel road mit dizze problematiek. Moderne apparatuur, t nijste matrioal en n oetbalanceerd team van enthousiast personeel, staait mit ale beneudegde kennis en middeln garant veur effectieve oplözzings.

t Apaart ienzoameln van pepier, karton of pepier-restproducten, is vandoag de dag n moatschappelke “must”. t Is mor lutje muite om aal t bedriefsòfval ien aals geval te sorteren ien “gewoon” òfval en pepieròfval. De specioale pepiercontainers van de NNRD binnen ien t maggezien, ien n loods of veur n bedriefspand makkelk te herkennen. Op dizze menaaier kinnen ale mitwaarkers, mor ook touvallege passanten, makkelk mitwaarken en wennen aan t geschaaiden òfvalienzoameln.

Deur t geschaaiden ienzoameln van pepier waarken joe mit aan n optimoale recycling van pepierproducten. Dat is nait allinneg goud veur t milieu, t is boetendes veurdaileg veur joen aigen knip! En dat is n schiere biekomsteghaid. Nait din?

De NNRD staait bekend om heur ervoaren en expertise omtrent t òfvoeren van chemisch- en aander gevoarlek bedriefsòfval. NNRD kin ook bedrieven hulp en adviezen geven bie t ienvullen van de gebrukelke veurschriften en vervoersdocumenten.

NNRD waarkt al joaren soamen mit t bedrief PRODAK. Bie dit bedrief, rund deur n enthousiast en ervoaren team van licht verstandelk gehandicapten, worden op uterst effectieve menaaier vertraauwelke gegevens om haals brocht, zoas bievubbeld archieven en olle contracten. As bewies van n 'vaailege' òfhandeln kriegen joe van ons noa òfloop ter bevestiging n garantiecertificoat. Dit bewies garandeert dat t verinneweren haildaal conform vaaileghaidsniveau drij ploatsvonden het.

De NNRD het keus oet verschaaiden types rolcontainers. Qua volume variëren de containers van 240 liter (joen grote hoesvoelcontainer) tot mor laifst 5000 liter. Zo is der veur elk bedrief, van cafetaria tot autobedrief en van camping tot tankstation n passende container te levern. Elke container zigt der schoon oet en de NNRD controleert regelmoateg de kwaliteit van containers op standploatsen. As t neudeg is worden der onderdailen vervangen of wordt n haildaal nije container ploatst. Kiek veur meer informoatie en foto’s op bladziede rolcontainers van dit webstee.

As bedrieven grotere houveulheden òfval produceren, is n perscontainer op t bedriefsterraain n handege oplözzen. Rolcontainers kinnen zodounde deur t aigen personeel zulf leegd worden. Lutje òfvalcontainers, van bievubbeld 240 liter, kinnen op n aantal steeën ien t bedrief ploatst worden. Zo kin men zulf de interne òfvalstroom verwaarken. De perscontainers van de NNRD binnen verkriegboar ien verschaaiden volumeklassen en mit verschaaiden beloadingssystemen.

n Perscontainer verwaarkt t òfval uterst effectief. Veur ien de container wordt t òfval deur grote daauwploaten eerst tot n minimum soamenpaarst, woarnoa t òfval noar achtern daauwd wordt. Op dizze menaaier kin der meer òfval opsloagen worden op 1 centroale locoatie binnen t bedrief en huift der minder frequent leegmoakt worden deur de NNRD.

Noast pers- en rolcontainers beschikt NNRD over n braid scala òfzetcontainers, variërend van 6 tot 40 m³. Hiermit kinnen grotere houveulheden òfval ienzoameld worden. Dizze containers binnen mainst geschikt veur baauw- en sleupòfval.

n Belangrieke kwestie bie t organiseren van evenementen is t opvangen en verwaarken van d’òfvalstroom. Veur dizze gelegenheden het de NNRD n specioale evenementenservice, woardeur der n passend plan bedocht worden kin om t òfval tiedens of noa òfloop van t evenement òf te voeren.

De rolcontainers van NNRD binnen veur evenementen zo as popconcerten, sporttoernooien, stroat- en schoulfeesten ook tiedelk te huren. t Is meugelk de containers tiedens de festiviteiten meerdere moalen leegmoaken te loaten. Ook budt de NNRD organisatoren de meugelkhaid om no òfloop van heur festival t haile terraain schoon te moaken.

De NNRD bezit ook n specioale veegwoagen, dij ideoal te bruken is veur t schoonmoaken van stroaten en bedriefsterrainen. Dizze veegwoagen wordt veulvuldeg ienzet bie grootschoalege evenementen, om noa òfloop t terraain deeg aan te vegen.

De NNRD is van oorsprong bekend oet de òfvalsector. Toch het noast de òfvalienzoameln de transportpoot van t bedrief hom oardeg ontwikkeld. t Matrioal en de mitwaarkers binnen haildaal ienspeuld op dizze ruierge branche. Veur t transporteren van allerlaai soorten vrachten, het de NNRD de meugelkheden. Nationoal en internationoal kinnen der specioale transporten ploatsvienden dij deur vakkundege chauffeurs noar heur ìndbestemmen brocht worden.

Veur t creëren van n tiedelke opslagroemte, kinnen joe ook hail goud n zeecontainer bruken. Zeecontainers binnen ien verschaaiden soorten en moaten te kriegen. De containers binnen handzoame veurzieningen bie verbaauwens en verhoezingen, mor ook veur sportevenementen en festivals binnen zai ideoal te bruken. Veur oetgebraaide informoatie verwiezen wie joe noar ons zusterbedrief HCC.

 Druk bladziede oet        Noar boven