Milieu

Noast kwaliteit- en arbozörg staait ook milieuzörg centroal ien onze bedriefsvoeren. As organizoatie dij specializeerd is ien de òfvalbranche is t onontbeerliek om volgens de internationoale milieunorm NEN-ISO 14001 te waarken. Dit doun wie vanzulf al joaren, mor is ien 2009 echt aanteunboar moakt deur n ISO-14001 certificoat.

Ons haile belaaid is moakt veur t zoveul meugelk veurkommen van milieubelasten en verspillen van energiebronnen. Dit wordt aanpakt mit ambitieuze bedriefsmilieuplannen dij moatregelns omvatten zoas cursussen, veurlichtens en instructie en n wies ienkoop- en investerensbelaaid. Hierbie worden ook ons leveranciers en soamenwaarkenspartners nait vergeten. Ook wiezen wie ons klanten regelmoateg op t nog beter schaaiden kinnen van òfval en t doarmit wieder verlegen van òfvoerkosten.

As joe op wat veur wies ook hinder ondervienden van ons bedriefsactiviteiten, neem din asjeblieft contact op mit ons bedriefslaaider, beriekboar via t algemaine telefoonnummer.

 Druk bladziede oet        Noar boven