Duurzoamhaaid

Duurzoam ondernemen - ook wel moatschappelk verantwoord ondernemen (MVO) neumd - is ondernemen woarbie evenwicht bestaait tussen economische-, socioale- en milieubelangen. Duurzoame ondernemers, zoas de NNRD, kieken nait benoam noar heur winst- en verlaissiefers, mor ook noar gevolgen van heur bedriefsactiviteiten veur mìns en milieu. En nait benoam noar gevolgen doarvan veur nou, maar ook noar gevolgen ien toukomst.

Duurzoam ondernemen betaikent dat de NNRD noar vermogen biedragt aan t oplözzen van moatschappelke en milieuproblemen dij mit ondernemen soamenhangen. Wie goan hierbie wieder as wet- en regelgeven ons veurschrift. Hierveur hebben wie ienzicht ien ecologische gevolgen van ons productieproces, zowel lokoal as internationoal, zowel effecten veur nou as toukomstege effecten.

Dizze kennis is omzet ien moatschappelk verantwoord handeln. Doarveur is t managementsysteem verankerd ien t bedrief en zörgt veur continue verbetern van d’economische, ecologische en socioale prestoaties. Om doarbie ale belangen goud òfwegen te kinnen, binnen ale zogenoamde stakeholders ien koart brocht: leveranciers, òfnemers, moatschappelke organizoaties, banken, verzekernsmoatschappijen, aandeelholders en overheden.

Middels onderstoande instrumenten wordt aan moatschappelk verantwoord ondernemen vörm geven:

• bedriefsinterne milieuzörg
• òfvalpreventie
• energiebespoaren
• duurzoam ienkopen en investeren
• bedriefsmilieuplannen
• gedragsregels

 Druk bladziede oet        Noar boven