Belaaid

t Belaaid van directie van NNRD/Holwerda Transport Drachten is derop richt dat t managementsysteem op n effectieve en economisch verantwoorde menaaier oetvoerd wordt en ien stand holden. Oetgangspunt is op elk moment voldoun te kinnen aan aaisen en wìnsen dij opdrachtgever en overhaaid (middels wet- en regelgeven) aan heur stellen. Dizze aaisen en wìnsen binnen ien goud overleg (schriftelk) vastlegd cq. inventarizeerd.

t Kwaliteitszörgbelaaid (woar milieu en arbo n onderdail van oet moaken) is deur directie as volgt noader formuleerd:

• t Voeren van n doulmoateg beheersen van kwaliteitsaspecten tiedens ale processen binnen NNRD/Holwerda Transport Drachten aalweg òfstemd op de aaisen dij mit opdrachtgever overainkommen binnen.
• t Realizeren van deurlopende verbetern van prestoaties van NNRD/Holwerda Transport Drachten en t realizeren van n zo hoog meugelke klantentevredenhaid.
• t Behold van kennis en ervoaren, t efficiënter moaken van t votbrengensproces, t reduceren cq. veurkommen van klachten, òfwiekens, (sikkom) meleur en schoades
• t Handhoaven van n managementsysteem dat minstens voldut aan veurwoarden van de internationoale kwaliteitsnorm NEN-ISO 9001:2008 en NEN-ISO 14001:2004.
• t Voldoun aan relevante wet- en regelgeven.

d’Oetvoeren van t zörgbelaaid wordt kenmaarkt deur volgende oetgangspunten:

• Van ale waarknemers wordt verlangd, dat zai vanoet heur functie noar vermogen aan t oetsproken belaaid biedroagen. Zai zellen relevante gegevens objectief registreren om aan te teunen dat t belaaid ien eerns noaleefd wordt.
• Directievertegenwoordeger, directeur, en de kwaliteitcoördinator(en) binnen belast mit t opstellen en ien stand holden van t haile kwaliteitszörgsysteem volgens NEN-ISO 9001:2008 en NEN-ISO 14001:2004.
• Directeur en bedriefslaaider binnen gezoamelk verantwoordelk veur t touzicht op oetvoeren van t kwaliteitsbelaaid.
• Elk joar worden doulstellens en waarken van t managementsysteem evalueerd, worden nije doulstellens formuleerd en communiceerd.

Noast t belang van n managementsysteem volgens de ISO 9001-norm onderkent directie t belang van t beheersen van aspecten vaailighaid, gezondhaid en milieu. Praktisch betaikent dit onder andere t volgende:

• Der zel continu aandacht schonken worden aan t veurkommen van persoonlek letsel. Dit kin in de vörm van oplaaidens, matrieelbeheer, overleg, enzowieder. Hierbie geldt stelregel dat problemen beter bie de bron aanpakt worden kinnen ien stee van t treffen van beschaarmende moatregeln.
• Noast de zörg veur waarknemers zel ook aalgedureg vaailighaid van (ienhuurde) daarden centroal stoan. Wat bedriefsactiviteiten aanbelangt gaait t din benoam over t personeel van collega-bedrieven en opdrachtgevers, woarmit eventueel op n waarklocoatie soamenwaarkt worden mout.
• Deur n betere registroatie en optimoale aandacht veur preventie, zel perbaaierd worden matriële en immatriële schoade zoveul meugelk te minimalizeren. Ook milieubelasten en -schoade zel mit optimoale ienspannen zoveul meugelk bepaarkt worden, bievubbeld t achtzoam schaaiden en òfvoeren van òfvalstromen op de waarkplek, t achtzoam behandeln van òfval en t veurkommen van onneudeg verspillen van energie.

Wanneer beslissens omtrent bedriefsvoeren nomen worden mouten, kriegen vaailighaid, gezondhaid en milieu prioriteit boven economische aspecten, vanzulf veur zover gezondhaid van t bedrief dit toulet. Directie van NNRD/Holwerda Transport Drachten is verantwoordelk veur t oetdroagen, t doun begriepen en t toupassen van t kwaliteitsbelaaid.

 Druk bladziede oet        Noar boven