Welkom op webstee van NNRD

Vrachtwoagens van Noord Nederlandse ReinigingsDienst (NNRD) oet Drachten binnen al n aantal joaren n vertraauwd gezicht ien t Noord-Nederlandse stroatbeeld. Veuraal op mainste bedrieventerraainen worden oranje voelniswoagens regelmoateg signaleerd. t Leegmoaken van de verschaaiden soorten òfvalcontainers bie bedrieven gebeurt sikkom zunder dat ain t maarkt.

NNRD is specialiseerd ien t ophoalen, t transporteren en t verwaarken van verschaaiden soorten bedriefsòfval. Elk bedrief produceert òfval. Mor, nait ale òfvalstromen binnen geliek. Bie summege bedrieven mouten rolcontainers meerdere keren per week leegd worden en bie andere bedrieven is ains per moand al meer as genog. Doarom het NNRD n groot arsenoal matrieel en mankracht om de veule honderden bedrieven te helpen bie t verwaarken van heur òfvalstromen.

De òfvalbranche is ain van de branches woar de strakke milieuwetgeving van grote pertansie is. NNRD handelt hiernoar en geft adviezen om bedrieven hierop attent te moaken.

t Verwaarken van òfvalstromen gebeurt volgens strikte en aal schaarper wordende regelgeven. Doarom waarkt NNRD soamen mit renommeerde verbrandingscentroales en òfvalverwaarkensbedrieven en holdt t personeel heur aalgedureg op hoogte van leste veranderns ien milieuregelgevens.

Ien t kort: NNRD staait open ien moatschappij. Op verantwoorde menaaier worden òfvalstromen weerombroacht noar n minimum. n Zoak woar elkenain hom aigenlieks continu mit bezeg holden mos .

De Noord Nederlandse Reinigingsdienst is n ISO-certificeerde organizoatie.

Dizze internetwebstee geft joe meer informoatie over de verschaaiden meugelkheden van de NNRD oet Drachten. As joe aan de hand van d' informoatie op dit stee toch nog vroagen hebben, over bievubbeld t huren van containers of t vervoeren van bedriefsòfval, neem din contact mit ons op.

 Druk bladziede oet        Noar boven