Geschaaiden òfval ienzoameln

t Geschaaiden ienzoameln en aanbaiden van bedriefsòfval is nait allinneg veurdaileg veur t milieu. Deur t òfval te schaaiden bespoaren joe op t leste ook op joen aigen ìndoafreken.

Bie de NNRD kinnen joe hierveur bievubbeld specioale papiercontainers huren, woar aal t pepier en karton oet bedriefsòfvalstroom ien verzoameld worden kin. t Leegmoaken van n volle container pepier is n stuk veurdaileger as t leegmoaken van ain grote zwoare container. De adviseurs van NNRD inventariseren joen òfvalstroom en bekieken de situoatie op waarkvlouer. Vervolgens adviseren zai joe over verschaaiden meugelkheden van t geschaaiden ienzoameln van bedriefsòfval. Denk bievubbeld aan geschaaiden ienzoameln van bedriefs-, gevoarlek-, folie- en pepieròfval.

Meer informoatie over geschaaiden òfvalienzoameln kinnen joe vienden op de volgende websteeën:

www.afvalscheidingswijzer.nl

www.afvalgids.nl

Actie vanoet Den Hoag

Ien toukomst zellen ale bedrieven verplicht wezen om t bedriefsòfval geschaaiden aan te levern. Diverse milieuplannen van Nederlandse overhaid zörgen der veur dat der aal bewuster omgoan worden mout mit t ienzoameln en verwaarken van bedriefs- en hoesòfval. Zo mouten bievubbeld Hollandse gemaintes al sinds enkele joaren verplicht t GFT-òfval apaart ienzoameln en ter compostering aanbaiden.

n Bekend plan van Nederlandse overhaaid is beter bekend as de “ladder van Lansink”. Dit plan beschrift ien opainvolgende stappen wat der gebeuren mouten zol om d’òfvalstromen ien toukomst te bepaarken.

Eerstens is t vanzulf logisch om te zörgen dat der zo min meugelk òfval ontstaait. Dit kin realiseerd worden deur aanpassens ien t productieperces en n efficiënter verbruuk (preventie). Vervolgens is t hergebruuk of t zuiken van nije toupazzens van òfval n effectieve moatregel. t Hergebruuk van pepier en karton, of t hergebruuk van GFT-òfval binnen hier goie veurbeelden van. Daarde stap is n efficiënt verbranden van òfval, op zo’n menaaier dat t oetìndelk elektriciteit of waarmte oplevert.

Bie de NNRD kinnen joe trecht veur oetgebraaide adviezen omtrent t geschaaiden aanlevern van òfvalstromen. Joe kinnen hierbie bievubbeld denken aan t geschaaiden ienzoameln van:

• Pepier/karton òfval
• Folieòfval
• Gevoarlek òfval
• GFT òfval
• Greun-òfval
• Restòfval
• Metoalòfval
• Archiefvernietiging

Vervolgens kriegen joe van ons n gedegen advies over de veule meugelkheden.

 Druk bladziede oet        Noar boven