Belied

It belied fan de direksje fan NNRD/Holwerda Transport Drachten is derop rjochte om it managementsysteem op in effektive en ekonomysk ferantwurde wize ût te fieren en yn stân te hâlden. It ûtgongspunt is om op alle stuiten foldwaan te kinnen oan de easken en winsken dy’t de opdrachtjouwer en de oerheid (troch de wei fan wet- en regeljouwing) stelle. Dy easken en winsken binne yn goed oerlis (skriftlik) fêstlein c.q. ynventarisearre.

It kwaliteitssoarchbelied (dêr’t miljeu en arbo part fan ûtmeitsje) hat de direksje as folget neier formulearre:

• It fieren fan in doelmjittige behearsking fan kwaliteitsaspekten by alle prosessen binnen NNRD/Holwerda Transport Drachten, altiten ôfstimd op de easken dy’t mei de opdrachtjouwer oerienkaam binne.
• It realisearjen fan oanduorjende ferbettering fan de prestaasjes fan NNRD/Holwerda Transport Drachten en it realisearjen fan in sa heech mooglike klantetefredenens.
• It behâlden fan kennis en ûnderfining, it effisjinter meitsjen fan it proses fan fuortbringen, it redusearjen c.q. foarkommen fan klachten, ôfwikings, (hast barde) ûngemakken en skeagefallen.
• It hanthavenjen fan in managementsysteem dat op syn minst foldocht oan de betingsten fan de ynternasjonale kwaliteitsnoarm NEN-ISO 9001:2008 en NEN-ISO 14001:2004.
• It foldwaan oan relevante wet- en regeljouwing.

De ûtfiering fan it soarchbelied wurdt beskaat troch de folgjende ûtgongspunten:

• Fan alle wurknimmers wurdt winske dat hja ût har funksje wei neffens fermogen oan it ûtsprutsen belied bydrage. Hja registrearje relevante gegevens objektyf om oan te toanen dat it belied yndie neilibbe wurdt.
• De direksjefertsjintwurdiger, de direkteur, en de kwaliteitskoördinator(s) binne belêste mei it opstellen en yn stân hâlden fan it folsleine kwaliteitssoarchsysteem neffens de NEN-ISO 9001:2008 en NEN-ISO 14001:2004.
• De direkteur en de bedriuwslieder binne tegearre ferantwurdlik foar it tafersjoch op de ûtfiering fan it kwaliteitsbelied.
• Alle jierren wurde doelstellings en de wurking fan it managementsysteem evaluearre en wurde der nije doelstellings formulearre en kommunisearre.

Njonken it belang fan in managementsysteem neffens de ISI 9001-noarm ûnderkent de direksje it belang fan behearsking fan de aspekten feiligens, sûnens en miljeu. Praktysk betsjut soks ûnder oaren it folgjende:

• Der sil kontinu omtinken wêze foar it foarkommen fan persoanlik letsel. Dat kin troch opliedings, materiaalbehear, oerlis ensfh. Dêrby jildt de stelregel dat it better is om problemen by de boarne oan te pakken as om beskermjende maatregels te nimmen.
• Njonken de soarch foar wurknimmers stiet ek de feiligens fan (ynhierde) tredden sintraal. Mei it each op de bedriuwsaktiviteiten giet it dan benammen om it personiel fan kollegabedriuwen en opdrachtjouwers dêr’t eventueel op in wurklokaasje mei gearwurke wurdt.
• Troch in bettere registraasje en optimale oandacht foar previnsje sil besocht wurde om materiële en ymmateriële skea sa goed mooglik te minimalisearjen. Ek miljeubelesting en –skea sille mei optimale ynspanning sa fier mooglik beheind wurde, bygelyks troch it soarchfâldich skieden en ôffieren fan ôffalstreamen op it wurkplak, it soarchfâldich behanneljen fan ôffal en it foarkommen fan ûnnedich fergriemen fan enerzjy.

As der beslissings oangeande de bedriuwsfiering naam wurde moatte, dan krije feiligens, sûnens en miljeu prioriteit boppe ekonomyske aspekten, fansels foarsafier’t de sûnens fan it bedriuw soks talit. De direksje fan NNRD/Holwerda Transport Drachten is ferantwurdlik foar it ûtdragen, it begripe litten en it tapassen fan kwaliteitsbelied.

 Printsje side        Nei boppen