Wel bin wij?

Wij zaomelt niet allén ofval in, maor bint ok actief in het transport over de weg. Holwerda Transport koj al verscheiden jaor op de (Europese) snelwegen tegen. Bij oes is alles wat rieden kan modern en vaok ok specialistisch.

De belangriekste dinger diew in oeze tak van vervoer doet, bint:

• Meubeltransport en verhoezings
• Vervoer van gevaorlijke (ofval)stoffen
• Volumetransporten
• Transporten met behulp van autolaodkraon (tot 37 ton de meter)
• Containervervoer tot 80 m³

Meubeltransport en verhoezings

Meubeltransport is meer as allén maor het vervoeren.
Bij oes bi’j an het juuste adres as het giet um:

• Het juust ontvangen van dielen van een partij (een goeie controle op de ontvangst)
• Het met zörg belaoden van de vrachtauto’s (gebroek van pakdekens en goeie hulpmiddeln)
• Het slim precies vervoeren van alles
• Het netties oflevern en, as dat vraogd wordt, in hoes brengen van de meubels

Vervoer van gevaorlijke (ofval)stoffen

Al stoffen vervoeren wilt waor aj liever niet met in anraoking komt, dan hej specialistische kennis neudig. Je stuurt maor zo niet iene naor Zuud-Frankriek um daor in een speciaol inrichte vrachtauto een partij transformators met giftige PolyChloorBifenylen te laoden. Netzoveul andacht vrag het vervoer van PCB-ofval naor Duutsland waor weer hiel wat speciaole vergunnings neudig bint. Dit soort vervoer vrag veul kennis van oeze metwarkers.

Volumetransporten

Dit bint transporten waorbij ie meer “lucht” vervoert as gewicht. Lege ofvalcontainers of isolaotsiemateriaolen bint veurbielden van zogenuumde volumineuze goedern. Veur dit soort transporten gebroek wij extra grote auto’s tot wal 100 m³.

Transporten met behulp van autolaodkraon
(tot 37 ton de meter)

Um grote ienheden, mesienen of zeecontainers laoden en lössen te kunnen, maok wij gebroek van een oplegger met daor een hiel grote kraon op. Hiermet kunt ok dinger die lös stört bint, zoas landbouwfolie en glas oet glascontainers, laoden worden.

Containervervoer tot 80 m³

Veul lösse goedern wordt in containers laoden. Wij kunt aal maol 2 x 40 m3 an containers metnimmen. Wij vervoert hiel verscheiden dinger, van ofvalpreducten tot etenswaoren.

Is je belangstelling wekt?

Bel gerust ies met Martin Jelsma; 0512 33 43 35 of stuur hum een lienpostbericht; martin@holwerda.com

 Druk de bladziede of        Hen boven