Wat doe wij?

De NNRD is begund en bekend worden as ofvalverwarkend bedrief. Maor behalve de ofvalinzaomeling hef ok de transportpoot zuch aordig schier ontwikkeld. Het materiaol en de metwarkers bint hielemaol inspeuld op dizze boezige bedriefstak. De NNRD kan allerhaande soorten vrachten vervoeren. Wij kunt zowal nationaol as internationaol speciaole transporten verzörgen, die deur vakbekwaome chauffeurs naor de plek van bestemming bracht wordt.

Waor dinger produceerd word, komt ok ofval. En dat kan van alles weden: klein en groot ofval, chemisch ofval, ofval van bouwplaotsen, tuunofval, papier enz. enz. Elke ofvalsoort vrag um een eigen anpak. Wat veur container past op ’n besten bij een bepaold soort ofval? Hoe moew de container leeg haolen? Kan het ofval in lösse containers of is een dichte beter? Het bint allemaol vraogen die slim belangriek bint um het ofval zo goed meugelijk opslaon en verwarken te kunnen.

Maor… de NNRD wet der wal raod met. Wij hebt moderne apparatuur, het neiste materiaol en een evenwichtig team van enthousiast personeel. Zo heb wij alle beneudigde kennis en middeln bij de haand um alles doelmaotig verlopen te laoten.

De maatschappij van dizze tied eist simpelzat dat papier, karton en restpreducten van papier apart inzaomeld wordt. Het is ja ok maor een kleine muite veur een bedrief um “gewoon” ofval apart te holden van papier en karton. Je kunt de speciaole papiercontainers van de NNRD in ’t magazien, in een loods of aanderworens makkelk herkennen. Zo kunt alle metwarkers maor ok lu die der bij toeval an langs komt, zunder muite metwarken en wennen an het gescheiden inzaomeln van ofval.

Deur papier apart te holden wark ie met een een zo goed meugelijke recycling van papierpreducten. Dat is niet allén goed veur het milieu maor ok veur je eigen beurs. En dat lek oes ok niet zo’n beroerd ding. Of wel?

De NNRD stiet erum bekend dat e veul ervaoring en deskundigheid hef as het giet um het ofvoeren van chemisch ofval en aander gevaorlijk bedriefsofval. Ok kan de NNRD bedrieven wal helpen en raod geven bij het invullen van de papierwinkel die der nou ienmaol bij heurt.

De NNRD warkt al jaoren saomen met het bedrief PRODAK. Bij dit bedrief waor alle wark daon wordt deur een enthousiaste en deskundige groep licht verstandelijk gehandicapten, wordt vertrouwelijke gegevens - je kunt denken an archieven en olde contracten - geweldig doelmaotig en nauwkeurig vernietigd. As bewies van een “veilige” ofhandeling kriej een garantiecertificaot as ’t wark daon is. Daormet hej het bewies dat de vernietiging hielemaol volgens veiligheidsniveau drie oetvoerd is.

Bij de NNRD kuj kiezen oet verscheiden soorten rolcontainers. Aj kiekt naor de inhold kan der tussen de 240 liter (je normaole grote hoesvoelcontainer) tot wal 5.000 liter in. Zo kun wij elk bedrief - van cafetaria tot autobedrief en van camping tot tankstation - de juuste container levern. Elke container zöt er schoon oet en de NNRD komt geregeld op de standplaotsen kieken of ze nog wal goed bint. As het neudig is, komt er neie underdielen op of wordt de container hielemaol vervangen. Aj der meer over weten wilt en foto’s zien wilt, kiek dan op de bladziede rolcontainers op dizze webstee.

As bedrieven altied veul ofval hebt, is een perscontainer op het bedriefsterrein beslist wat veur heur. Rolcontainers kunt dan deur het eigen personeel leeggooid worden. Kleine ofvalcontainers, van bijveurbield 240 liter, kunt op een paor plaotsen in het bedrief henzet worden. Zo kan elk zien eigen ofvalstroom verwarken. De perscontainers van de NNRD bint er in verscheiden groottes en met allerhaande belaodinssystemen.

Een perscontainer verwarkt het ofval slim doelmaotig. Veur in de container wordt het ofval deur grote platen eerst hiel klein in mekaor drukt. Daornao wordt het hen achtern drukt. Zo kan der veul meer ofval op ien centraole plek van het bedrief bewaord worden en huuf de NNRD minder vaok te kommen um de containers leeg te haolen.

Behalve pers- en rolcontainers hef de NNRD hiel wat verscheiden soorten ofzetcontainers; zie verschilt van 6 tot 40 m3. Grote hoeveulheden ofval bint zo gien prebleem. Dizze containers bint met naome geschikt veur bouw- en sloopofval.

Aj een evenement organiseert is het gloepends belangriek daj het opvangen en verwarken van het ofval goed regeld hebt. Hierveur hef de NNRD een speciaole evenementenservice. Der kan een passend plan maokt worden un het ofval tiedens en nao het evenement of te voeren.

De rolcontainers van de NNRD bint veur evenementen as popconcerten, sporttoernooien, straot- en schoelfeesten ok tiedelijk te huren. Gedurende de festiviteit kunt de contaioners ok vaoker as ien maol leeghaold worden. Organisatoren kunt de NNRD ok inhuren um nao ofloop het hiele feestterrein weer schoon te maoken.

De NNRD hef ok een speciaole veegwagen en die is vanzölf geweldig geschikt um straoten en bedriefsterreinen weer schoon te kriegen. Dizze veegwagen wordt vaok gebroekt bij grote festiviteiten.

De NNRD is begund en bekend worden as ofvalverwarkend bedrief. Maor behalve de ofvalinzaomeling hef ok de transportpoot zuch aordig schier ontwikkeld. Het materiaol en de metwarkers bint hielemaol inspeuld op dizze boezige bedriefstak. De NNRD kan allerhaande soorten vrachten vervoeren. Wij kunt zowal nationaol as internationaol speciaole transporten verzörgen, die deur vakbekwaome chauffeurs naor de plek van bestemming bracht wordt.

Aj veur een poosie opslagruumte neudig bint, kuj ok hiel goed een zeecontainer huren. Zeecontainers bint er in hiel wat soorten en maoten. Zie bint slim handig bij verbouwings of verhoezings, maor zie bint ok ideaol aj een sportevenement of een festival organiseerd. Aj meer weten wilt, kuj het beste bij oes zusterbedrief HCC terecht.

 Druk de bladziede of        Hen boven