Milieu

Behalve kwaliteits- en arbozörg hew milieuzörg hoog op oeze liest staon. As organisaotsie die specialiseerd is in de ofvalbedriefstak moet wij gewoon volgens de internationaole milieunorm NEN-ISO 14001 warken. Vanzölf doe wij dat al jaoren, maor het is in 2009 veur elkenien dudelk worden deur het ISO-14001 certificaot.

Oes hiele beleid is derop richt um het milieu zo min meugelk te belasten en gien energie te verspillen. Dat doew deur middel van ambitieuze bedriefsmilieuplannen met maotregels as cursussen, veurlichting en instructie en een wies inkoop- en investeringsbeleid. Wij vergeet oeze leveranciers en saomenwarkingspartners hierbij niet. Ok vertel wij oeze klanten aal maor weer hoe ze heur ofval nog beter scheiden kunt en dat ze zo minder veur de ofvoer te betalen huuft.

Aj op wat veur manier dan ok hinder hebt van oeze bedriefsactiviteiten, laot het dan asjeblieft an oeze bedriefsleider weten; je kunt hum te pakken kriegen deur oes algemiene tillefoonnummer te bellen.

 Druk de bladziede of        Hen boven