Duurzaomheid

Duurzaom undernemen - het zogenuumde maatschappelijk verantwoord ondernemen (MVO) - is undernemen waorbij economische, sociaole en milieubelangen met mekaor in balans bint. Duurzaome undernemers, zoas de NNRD, kiekt niet allén naor heur winst- en verliesciefers, maor let ok op de gevolgen van heur bedriefsactiviteiten veur mens en milieu. En dan kiekt ze niet allén naor de körte termien, maor bint ok de gevolgen veur de wiedere toekomst van belang um rekening met te holden.

Veur de NNRD betiekent duurzaom undernemen dat der alles an daon wordt um maatschappelijke en milieuproblemen die met de underneming saomenhangt op te lössen. Wij doet hierbij meer as daw feilijk moet van de wetten en regels op dit gebied. Daorum heb wij verstand van de ecologische gevolgen van oes productieproces en dat geldt zowal veur lokaole as internationaole gevolgen as veur de effecten van nou en van de toekomst.

Umdaw der weet van hebt, kuw maatschappelijk verantwoord handeln. Daorum is het managementsysteem vastlegd en verweven in het hiele bedrief en zörgt het veur een gestaoge verbetering van de economische, ecologische en sociaole prestaties. Wij hebt elkenien wel belang bij het goed warken van oes bedrief hef op de riege zet: leveranciers, ofnimmers, maatschappelijke organisaotsies, baanken, verzekeringsmaatschappijen, aandielholders en overheden.

Wij gebroekt understaond reeuw um goed maatschappelijk undernemen te kunnen:

• milieuzörg in het bedrief zölf
• veurkommen van ofval
• energiebespaoring
• duurzaom inkopen en investeren
• bedriefsmilieuplannen
• gedragsregels

 Druk de bladziede of        Hen boven