Beleid

De directie van NNRD/Holwerda Transport Drachten hef een dusdaonig beleid dat het managementsysteem op en doelmaotige en economisch juuste wieze oetvoerd wordt en in de bien holden holden wordt. Oetgangspunt is um op elk moment voldoen te kunnen an de eisen en wensen van de opdrachtgever en de overheid (deur heur wetten en regels). Dizze eisen en wensen bint in goed underling overleg op papier zet.

De directie hef het kwaliteitszörgbeleid (waor milieu en arbo een underdiel van bint) zo opschreven:

• Het doelmaotig beheersen van de kwaliteit in alle processen van NNRD/Holwerda Transport Drachten ; aaid ofstemd op de eisen die met de opdrachtgever ofproot bint.
• Zörgen dat de prestaties van NNRD/Holwerda Transport Drachten constant beter wordt en zörgen veur een zo groot meugelijke tevredenheid van de klanten.
• Zörgen dat kennis en ervaring op peil blieft, het doelmaotiger maoken van het de preductie, het vermindern of - beter nog - veurkommen van klachten, ofwiekings, (bijna-)ongelukken en schaodes.
• Het beholden van een managementsysteem dat op zien minst voldöt an de veurweerden van de internationaole kwaliteitsnorm NEN-ISO 9001:2008 en NEN-ISO 14001:2004.
• Het voldöt an de wetten en regels die der op dit gebied toe doet.

De oetvoering van het zörgbeleid hef de volgende oetganspunten:

• Alle warknimmers moet naor heur beste vermogen helpen um het beleid dat ofproot is oet te voeren. Zie moet de gegevens die belangriek bint eerlijk en zakelijk opschrieven um dudelk te maoken dat het beleid ok inderdaod naoleefd wordt.
• De directeur en de zogenuumde kwaliteitscoördinator(en) draogt de zörg veur het hiele kwaliteitszörgsysteem en let daorbij op wat volgens de NEN-ISO 9001:2008 en NEN-ISO 14001:2004 verlangd wordt.
• De directeur en de bedriefsleider bint met zien beiden verantwoordelijk veur het toezicht op de oetvoering van het kwaliteitsbeleid.
• Aal jaor wordt de doelen en de warking van het managementsysteem evalueerd en wordt der risselveerd over neie doelstellings en wordt die opschreven.

Behalve een goed managementsysteem volgens de ISO 9001-norm wet de directie ok dat het belangriek is dinger as veiligheid, gezondheid en milieu in de greep te hebben. In de praktiek komt dit under andern op het volgende deel:

• Der mot altied veur zörgd worden, dat letsel veurkommen wordt. Dit kan daon worden in de vörm van opleidings, materiaolbeheer, overleg enzowieder. En altied geldt daorbij daj preblemen het best bij de wortel anpakken kunt. Dat is veul beter as laoter bescharmende maotregels treffen te moeten.
• Het is ok logisch daw niet allén zörgen moet veur de veiligheid van oeze warknimmers maor netzogoed veur (inhuurde) aandern. Aj kiekt naor wat wij as bedrief doet bint die “aandern” veural warknimmers van collega-bedrieven en opdrachtgevers, waormet op een bepaolde plek wal ies saomenwarkt wordt.
• Deur de preventie goed bij te holden en der de grootst meugelijke andacht an te geven, prebeer wij de materiële en immateriële schaode zo klein meugelk te holden. Ok doe wij der al het meugelijke an um de belasting van en de schaode an het milieu zo klein meugelk te hebben. Dat doew bijveurbield deur ofval op de warkplek zörgvuldig te scheiden en of te voeren. Ok wordt het ofval met zörg behandeld en veurkom wij het onneudig vermotten van energie.

As der wat de bedriefsvoering angiet dinger beslist worden moet, dan kiek wij eeder naor veiligheid, gezondheid en milieu as naor economische angelegenheden; vanzölf mot de gezondheid van het bedrief het wal toelaoten. De directie van NNRD/Holwerda Transport Drachten is verantwoordelijk veur het kwaliteitsbeleid.

 Druk de bladziede of        Hen boven