Wij bint bliede daj de webstee van NNRD bezuukt

Het kan zowat niet missen daj de vrachtauto’s van de Noord Nederlandse ReinigingsDienst regelmaotig tegenkomt. Veural op de veule bedriefsterreinen ziej de oranje voelniswaogens geregeld. Van het leeghaolen van allerhaande soorten ofvalcontainers vernim ie zowat nooit wat.

De NNRD is specialiseerd in het ophaolen, het vervoeren en het verwarken van allerhaande soorten bedriefsofval. Oet elk bedrief komt ofval, maor al dat voelnis is niet hetzölfde. Bij paartie bedrieven moet rolcontainers vaoker as ienmaol in de week leeghaold worden en bij aandere bedrieven is niet vaoker as ien keer in de maond neudig. Daorum hef de NNRD allerlei soorten materieel en menskracht um al die honderden bedrieven op de juuste manier helpen te kunnen bij de verwarking van heur ofval.

In de ofvalbranche is strakke milieuwetgeving gloepends belangriek. Vanzölf handelt de NNRD daornaor en gef e ok raod an bedrieven op dit gebied.

Bij het verwarken van al die soorten ofval holdt de NNRD zuch an aal strengere regels. Daorum warkt de NNRD saomen met de beste verbrandingscentraoles en ofvalverwarkingsbedrieven. En daorum zörgt het personeel derveur dat het aaid weet hef van de leste veraanderings van milieuregels.

Körtum: de NNRD stiet met ogen wied lös in de saomenleving. Ofvalstromen wordt zo klein meugelk holden en dat gebeurt op een gedegen manier. En dat is een zaak waor elkenien feilijk deurlopend met gungs weden moeten zul.

De Noord Nederlandse Reinigingsdienst is een organisaotsie met het ISO-certificaot.

Dizze webstee vertelt je meer over de veule meugelijkheden van de NNRD oet Drachten. Aj nao het lezen van de informaotsie toch nog vraogen hebt - bijveurbeeld over 't huren van containers of over het vervoeren van bedriefsofval - nim dan gerust contact met oes op.

 Druk de bladziede of        Hen boven