Gescheiden ofvalinzaomeling

Het scheiden van bedriefsofval is niet allén van veurdiel veur het milieu, maor vanzölf ok veur de eigen portemonnee.

Zo kuj bij de NNRD speciaole papiercontainers huren, waor aj alle papier en karton van je bedrief in verzaomeln kunt. Het leeghaolen laoten van een volle container papier is een stuk veurdieliger as het legen van ien grote zwaore container. NNRD hef mèensen in dienst die de ofvalstromen van een bedrief in kaort brengt en de situaotsie op de warkvloor bekiekt. Daornao geeft ze je raod hoe oj het bedriefsofval het beste gescheiden inzaomeln kunt. Zo kuj papier, folie, bedriefsofval en gevaorlijke resten hiel best apart holden.

Aj meer weten wilt over gescheiden ofvalinzaomeling kuj het beste even op de volgende webstekken kieken:

www.afvalscheidingswijzer.nl

www.afvalgids.nl

Actie oet Den Haag

In de toekomst wordt het veur alle bedrieven verplicht um heur ofval gescheiden an te levern. Allerhaande milieuplannen zörgt derveur daw in Nederland aal bewuster met het inzaomeln en verwarken van bedriefs- en hoesofval umgaot. Nederlandse gemientes bijveurbield moet al verscheiden jaoren het GFT-ofval apart ophaolen en composteren laoten.

Een bekend plan van de Nederlandse overheid is beter bekend as de “ladder van Lansink”. Dit plan beschref stap veur stap wat er gebeuren mot um in de toekomst minder ofvalstromen te kriegen.

In de eerste plaots is het vanzölf logisch daj der met mekaor veur zörgt dat der zo min meugelijk ofval komt. Dat kan gebeuren deur dinger te veraandern in het preductieproces en een doelmaotiger gebroek (preventie). Wieder is het vanneis gebroeken of het zuken van neie toepassings van het ofval een goeie maotregel. Het hergebroek van papier en karton en het composteren van GFT-ofval bint hier goeie veurbielden van. De daarde stap is het ofval zo te verbranden dat het oeteindelijk electriciteit of warmte oplevert.

Over het apart holden en anlevern van ofval kuj je oetgebreid raod geven laoten deur de NNRD. Je kunt bijveurbield denken an het gescheiden inzaomeln van:

• Papier/karton ofval
• Folieofval
• Gevaorlijk ofval
• GFT ofval
• Gruun-ofval
• Restofval
• Metaolofval
• Archiefvernietiging

Daornao kriej van oes een helder en goed deurdacht advies over alles wat er meugelk is.

 Druk de bladziede of        Hen boven